पिंपरी चिंचवडचोविसावाडी लिफ्ट दुर्घटना : ११ वर्षीय अमेयचा दुर्दैवी मृत्यू
- घटनास्थळी अग्निशामक दलही झाले घहिवरले – दसऱ्याच्या दिवशीच कुटुंबावर दु:खाचा डोंगर
- आळंदी प्रतिनिधी –
-
(चोविसाविडी.चेहोली) येथील राज स्मृती हाऊसिंग सोसायटीमध्ये गुरुवारी (२ ऑक्टोबर) संध्याकाळी घडलेल्या हृदयद्रावक घटनेत ११ वर्षीय मुलाचा लिफ्टमध्ये अडकून मृत्यू झाला. मृत मुलाचे नाव अमेय साहेबराव फडतरे (वय ११ वर्षे) असे आहे. दसऱ्याच्या दिवशीच ही दुर्घटना घडल्याने संपूर्ण परिसरात शोककळा पसरली आहे.
- अपघाताची कहाणी
- अमेय दुपारी सोसायटीच्या आवारात सायकल खेळून झाल्यानंतर लिफ्टमध्ये गेला. दुसऱ्या मजल्यावर बसून त्याने चौथ्या मजल्याचे बटन दाबले. मात्र लिफ्ट सुरू होताच बाहेर पडण्याचा प्रयत्न करत असताना तो दरवाज्यातील पोकळीत अडकला. लिफ्ट न थांबता चौथ्या मजल्यावर गेल्याने तो गंभीर जखमी झाला.
- काही क्षणांतच मुलाच्या किंचाळ्या ऐकून नागरिक जमा झाले. वडील अश्रूंनी डोळे पुसत, अर्धवट अडकलेल्या मुलाला मांडीवर धरून देवाला धावा करू लागले, तर आईही घटनास्थळी धावून आली होती. मुलाला सोडवण्यासाठी रहिवाश्यांनी आटोकाट प्रयत्न केले, परंतु यंत्रणेच्या अडचणींमुळे तोपर्यंत अमेयची झुंज सुरू होती.
- अग्निशामक दलाचेही डोळे पाणावले
- काही वेळातच अग्निशामक दल घटनास्थळी दाखल झाले. हे दृश्य त्यांच्या डोळ्यांसमोर घडत असल्याने अग्निशामक कर्मचाऱ्यांनाही घहिवरल्याशिवाय राहवेना. “आम्ही आयुष्यात पहिल्यांदाच इतका वेदनादायक कॉल केला होता,” अशी माहिती देताना दलाचे प्रतिनिधी स्वतःच्या डोळ्यातील पाणी लपवू शकले नाहीत. अमेयला बाहेर काढून तातडीने उपचारासाठी नेण्यात आले; मात्र त्याने श्वास रोखला.
- परिसरात हळहळ
- दसऱ्याच्या दिवशीच ११ वर्षीय पोटच्या गोळ्याचा झालेला मृत्यू हा पालकांसाठी असह्य आघात आहे. या घटनेमुळे संपूर्ण सोसायटीत तसेच चोविसावाडीआळंदी परिसरात हळहळ व्यक्त होत आहे. सोसायटी धारक व नागरिक यांनी आपल्या पालकांची काळजी घ्यावी नम्र विनंती.
✍🏻मुख्य संपादक – रोहिदास कदम
