(पुणे प्रतिनिधी रवि कदम)
पंधरा वर्षांपूर्वी प्रेक्षकांच्या मनावर अधिराज्य करणाऱ्या ‘नटरंग’ नंतर, दिग्दर्शक रवी जाधव पुन्हा एकदा प्रेक्षकांच्या भेटीला येत आहेत. त्यांच्या नव्या तमाशापटाचं नाव आहे ‘फुलवरा’, आणि हा चित्रपट दिवाळी २०२६ ला प्रदर्शित होणार आहे.
दिग्दर्शक रवी जाधव म्हणतात,
“तमाशा हा माझा आवडता लोककलाप्रकार आहे. फडावर कलावंत आपली कला सादर करतात, पण त्यांच्या मागच्या आयुष्याची कथा मात्र फारशी माहीत होत नाही. सध्याची तरुण पिढी ज्या आत्मियतेने लोककला सादर करत आहे, ती बघून ‘फुलवरा’ची कल्पना मनात आली.”
सामाजिक माध्यमांवरुन या चित्रपटाची अधिकृत घोषणा करण्यात आली असून, पहिलं पोस्टरही प्रदर्शित करण्यात आलं आहे. प्रेक्षक आता या नव्या तमाशापटाबद्दल कमालीचं उत्सुकतेत आहेत
✍🏻मुख्य संपादक – रोहिदास कदम
